حلويات بطابع جديد: أصناف حلويات غريبة بالشام بس طعمتها خرافية!

الشام كانت وما زالت ملكة الحلويات الشرقية، بس هلأ، عم تطل علينا بنكهة مختلفة… حلويات ما بينحكى عنها، بينحكى فيها! جمعنالك أصناف حلويات غريبة بالشكل بس رهيبة بالطعم هون بالشام، وكل وحدة فيا جرأة وابتكار بتخليك تقول: “واو، شو هاد؟!”

1. كبة بالبوظة – من أمية كلاس دايري

بتحب الكبة؟ وبتحب البوظة؟ تخيل لتنين مع بعض! كبة من برا بعجينة مدلوقة، ومن جوا محشية بوظة باردة ناعمة بتفاجئك… غريبة؟ إي! بس لذيذة أكتر من ما بتتخيل!
الفروع: ساحة عرنوس – مزة أوتستراد – ضاحية قدسيا – ساحة المحافظة – مساكن برزة – ضاحية الأسد – تاون سنتر

2. برغر البقلاوة – من شَكرجي

لما البقلاوة بتتحول لبرغر… لا تسأل، جرب بس! طبقات من عجينة البقلاوة المقرمشة، وبيناتن حشوة قشطة خرافية، و كتير من الفستق الحلبي … والنتيجة؟ تجربة خرافية بتخليك تعيد اللقمة بدون تفكير.

العنوان: دامسكينو مول – Big5 Mall

3. معروك بحلاوة الجبن وكروسان دبي – من غولدن بيكري

معروك حلاوة الجبن : كأنك عم تاكل صحن حلاوة الجبن بس مدلل… و بقلب معروك طري ودافي!

كروسان دبي : غولدن باكيري ما بيحب التقليد، وبيقدملك كمان كروسان على طريقة “شوكولا دبي”، غني بالحشوة، أنيق بالشكل، وراقي بالطعم.

العنوان: المزة – جنب البنك الإسلامي

4. معمول الجبنة بالشوكولا – من شوكو سوامب

هدول الجماعة ما بيمزحوا… عاملين معمول جديد، ناعم كأنه كيك، ومحشي جبنة ولا اطيب مع شوكولا غنية.
كأنك عم تاكل معمول طالع من قصة خيالية.
العنوان: باب توما – الشعلان

الحلويات أخدت شكل جديد، وصرنا بعصر الابداع بكل لقمة! جرب وحدة من هالابتكارات من حلويات غريبة بالشام، وخلي الحلو يحكي عن حالو.
وإنت؟ أي وحدة فيا جربت؟ أو حابب تبلش فيها؟

انبسطت بهالمقال عن حلويات غريبة بالشام؟ تأكد تزور قسم #كول-وشكور على موقعنا لتشوف المزيد!