اكلير فرنسي بدمشق! وين لازم تجربوه؟ 

ما في أحلى من قطعة إكلير ناعمة ومحشية بكريمة بتدوب دوبان، خصوصاً لما تكون معمولة بإيدين بتعرف كيف توازن بين الطراوة والطعم.الإكلير، هالتحلاية الفرنسية الفخمة، صارت اليوم منتشرة بأكتر من محل حلويات وكافيه بالشام، وكل محل بيضيف لمستو الخاصة… من الحشوة للكريمة للشكل . يلا نعرّفك على أشهر4 أماكن بتعمل اكلير بجودة عالية ونكهة عنجد بتاخد العقل بدمشق:

1. النبعة باتيسري

من المحلات الراقية والمميزة على أوتوستراد المزة بدمشق، اكلير عندهم متقن من كل النواحي: العجينة طرية، الحشوة كريمية، والشكل أنيق بيليق مع فنجان قهوة.
العنوان: المزة – أوتوستراد، مقابل مشفى الرازي، خلف بناء MTN
0116644484 – 0946644484

2. حلويات الرئيس

اسم معروف لكل عاشق للحلويات الشامية، والإكلير عندهم بيتميز ببساطته وجودته. حجمه مناسب، ونكهته بتناسب كل الأذواق، خصوصاً مع فنجان نسكافيه أو قهوة الصبح.
العنوان: الطلياني – دمشق
3335777 – 3333307 – 3334157

3. إمبريس باتيسري

الاهتمام بالتفاصيل هو عنوان هالمحل بدمشق والـ اكلير عندهم بيجي بعدة نكهات، وشكله بياخد العقل قبل ما يدوب بالتم. تجربة أنيقة من أول نظرة لآخر لقمة.
العنوان: دمشق – بعدة فروع
0985122225

4. أمية كلاس دايري 

من الأسماء العريقة بالشام، وأفرعن منتشرة بكل المناطق. الإكلير عندهم بيجي فريش، ناعم، وحشوتو متوازنة. اختيار مضمون للي بدو تحلاية على الأصول.
الفروع: ساحة عرنوس – مزة أوتستراد – ضاحية قدسيا – ساحة المحافظة – مساكن برزة – ضاحية الأسد – تاون سنتر

من قلب دمشق، بتلاقوا الإكلير عم ياخد مكانه بين أشهر التحلايات، وكل محل من هدول بيقدملك تجربة حلا بتناسب ذوقك.
جرب وشاركنا رأيك… وين لقيت أطيب إكلير بالشام؟

انبسطت بهالمقال عن أطيب اكلير بدمشق؟ تأكد تزور قسم #كول-وشكور على موقعنا لتشوف المزيد!