كول وشكور
كل حارة بالشام إلها قصة… بس القصة الأطيب بتبلّش من مطعم أبو العز
بين أجواء الشام القديمة وصوت خطوات الزوّار بالحَميدية… في مطعم إلو نكهة خاصة وتاريخ بيحكي لحالو: مطعم أبو العز، من أقدم المطاعم الشعبية التراثية بدمشق، من أكتر من ٨٠ سنة… ولساته بيطبخ نفس الأكلات، بنفس الروح، وبنفس المحبة، ومحافظ على نكهة الزمن الجميل.
مطعم أبو العز مو بس مكان بتاكل فيه، هو رحلة بالزمن… بتفوت عالقاعة الشامية، بتشوف السقوف المزخرفة، الحيطان الخشبية الملونة، القعدة العربية، والبحرة بالنص بتبرّد القلب قبل المي. كل تفصيل فيه من ديكور وستايل وكل زاوية عاملة متل مشهد من مسلسل شامي قديم.
ديكورات ما بتنشاف غير بالبيوت الدمشقية العتيقة، وأجواء بترجعك لورا… أيام الخير، اللمة، والمحبة.
وإذا بدك تشوف الجو بعينك، مو بس بالكلام… شوف الجولة كاملة بالقاعة الشامية:
والأكل؟ بيحكي لحالو:
كل أكلة شامية شرقية عبالك بتلاقيها هون، معمولة بإيدين حافظين الطبخة على أصولها:
- مشاوي، كباب، طاووق، ومقبلات شامية وسلطات منوّعة بتفتح النفس
- صفيحة شامية، مجرمشة ومعجنات بفرن عمره فوق الـ70 سنة
- أوزي، كبسة، فريكة، وفروج مشوي أو مقلي
- طبخات اللبن: شيشبرك، كبة لبنية، شيخ المحشي
- ملوخية ع طريقة الشامية الاصلية
- كبب مشوية ومقلية وبالصينية
مصدر: Q business
والأجمل؟ إنو هالمطعم كان مقصد للملوك والناس من كل الدنيا، ومنن الملك سلمان بن عبد العزيز سنة 2002، والبطل العالمي محمد علي كلاي، وغيرن كتير من الوفود العربية والأجنبية.
العنوان: دمشق – آخر سوق الحميدية
للحجز أو الاستفسار: 0112246005
مطعم أبو العز… نكهة بتشبه الشام، ورحلة ما بتتنسى من أول ما تفوت، لآخر لقمة بتقول فيها: يا سلام!
انبسطت بهالمقال عن مطعم أبو العز بدمشق؟ تأكد تزور قسم #كول-وشكور على موقعنا لتشوف المزيد!