كبة محشية شاورما وأصغر سندويش بالعالم عند أبو العبد بدمشق!

بمجرد ما تمشي بشارع 29 أيار بدمشق، مستحيل ما تشم ريحة الشاورما يلي بتشهي، وتعرف فوراً إنك قربت على شاورما أبو العبد! واحد من أقدم وأطيب محلات الشاورما بالشام، فاتح من سنة 1958 ولسا محافظ على نفس الطعم يلي صار بصمة بكل لقمة. ومن أبرز ابتكارات شاورما أبو العبد بدمشق هي كبة شاورما!

الخرطوشة.. أصغر سندويشة شاورما بالعالم!

مين قال إنو الشاورما لازم تكون بس بحجم كبير؟ عند أبو العبد، فيك تجرب “الخرطوشة”، أصغر سندويشة شاورما لحم بالعالم، لكن بلذّة مستحيل تلاقيها بمكان تاني. لقمة وحدة بتكفي لحتى تفهم ليش الناس مدمنة ع هالمحل. والخبز المقرمش والمسئسئ مع الشاورما المتبلة بيعطيك تجربة خيالية.

كبة محشية شاورما.. ابتكار ما بتلاقيه غير هون!

الشاورما هون مو بس سندويشات، أبو العبد عامل كبة محشية شاورما! قرص كبة مقرمش، محشي بأطيب شاورما، تجربة بتجمع بين الأكل الدمشقي التقليدي ونكهة الشاورما يلي تعوّدنا عليها.

الشاورما يلي بتوصل عالقلب قبل المعدة!

سرّ الطعمة يلي بتخليك ترجع لعند أبو العبد كل مرة، هو إنو كل شي معمول بأيدي خبيرة وبتتبيلة متوارثة من أكثر من 60 سنة. وهون، عندك خيارات لكل الأذواق:

خرطوشة شاورما اللحم.. أصغر سندويشة بأطيب طعم.

شاورما لحم دبل أو تربل أكسترا.. لأنو في ناس بتحتاج جرعة زيادة من اللذة والمتعة!

كبة محشية شاورما.. تجربة ولا أروع.

عيران بارد وصحن مخلل.. اللمسة يلي بتكمل وجبتك عالأصول.

المكان الوحيد، الفرع الوحيد!

📍 دمشق – شارع 29 أيار – بين ساحة المحافظة والسبع بحرات
📞 للطلب أو الاستفسار 0112323287

كل الشاورما بتنزل ع المعدة.. إلا شاورما أبو العبد بتوصل عالقلب!

إذا ما جربت الشاورما وخاصة كبة شاورما من أبو العبد بدمشق، فأنت فعلاً لسا ما دقت النكهة الصح. أبو العبد هو المكان يلي لازم تبدأ منه لتجرب اطيب شاورما.. نكهة أصلية، خبرة سنين، وتجربة ما بتنحكى.. بتتجرب!

تأكد تزور قسم #كول-وشكور على موقعنا لتشوف المزيد!