6 شيف سوريين تميزوا على السوشل ميديا

المطبخ السوري معروف بتنوعه ونكهاته الأصيلة، وكل أكلة فيه بتحمل معها تاريخ طويل من التقاليد والمحبة. واليوم، بعصر السوشيال ميديا، قدروا شيف سوريين ينقلوا هالوصفات لكل بيت، بأسلوب سهل وقريب من القلب. سواء كانت الأكلات التقليدية المعروفة أو لمسات عصرية جديدة، صار الطبخ الشامي جزء من المحتوى يلي بيحبه ويتابعه الملايين حول العالم.  رح نحكي عن ستة طباخين سوريين قدروا يحوّلوا شغفهم بالمطبخ لتراث رقمي ينتقل من جيل لجيل. 

1- الشيف عمر – أسلوب عفوي ووصفات ناجحة

الشيف عمر قدر يخلّي الطبخ الشامي ممتع وبسيط بأسلوبه العفوي. من خلال قناته على يوتيوب، صار المطبخ السوري متاح للجميع بوصفات واضحة وتفاصيل دقيقة. فتح مطعمه في إسطنبول، وقدم برنامج طبخ في رمضان “لقمة للغوالي” على قناة “الآن” و “سِفرة و سَفرة” على تطبيق وياك ، ليشارك شغفه بالمطبخ الشامي مع جمهور أوسع.

2- شام الأصيل – نكهة الشام الأصيلة

ثابت عنيني، المعروف بـ “شام الأصيل”، هو المرجع الأول لكل حدا بده يتعلم الطبخ الشامي التقليدي. بأسلوبه الدقيق وشرحه المفصل، قدر يحافظ على هوية الأكل السوري، سواء عبر قناته على يوتيوب أو من خلال موقعه الإلكتروني وكتابه الخاص بالوصفات.

3- شامي شيف – الطبخ بروح مرحة

عبد الله الحموي، أو “شامي شيف”، تخرج من قسم الهندسة الالكترونية و حصل على الجنسية البريطانية بالإضافة لكونه شيف اشتهر على منصة تيك توك و مزج بين الطبخ والكوميديا و الاعلانات، ليخلي الطهي ممتع وسهل للجميع. وصفاته منوعة من كل البلدان العربية و قدمها بلمسات عصرية و فيديوهات قصيرة.

4- أبو دانيال – وصفات سهلة و لذيذة

بأسلوبه المبسّط والعفوي، شيف المشاهير أبو دانيال بيقدم المطبخ الدمشقي الأصيل بنكهته الحقيقية. اشتهر على فيسبوك في بداياته و الآن يقدم فقرة الطبخ على قناةMBC في برنامج صباح الخير يا عرب ، حيث يشارك وصفاته الغنية بالمذاق الدمشقي الأصلي، مع شروحات دقيقة لكل خطوة.

5- الشيف بلال عمر – خبرة وأسرار المطبخ الشامي

الشيف بلال عمر يتميز بخبرته الطويلة في مجال الطبخ والحلويات. أسراره وتقنياته بتساعد المتابعين على إنجاح الوصفات 100%، وبيشاركها بطريقة مبسطة تخلّي أي حدا يتقن الطبخ بسهولة.

6- الشيف علي – اسلوب مختصر و شغل احترافي

الشيف علي بيحب يضيف لمسته الخاصة على كل وصفة، وبيعتمد على تقديم أكلات شامية وعالمية بأسلوب بسيط وسريع. محتواه المتنوع خلى وصفاته تناسب الحياة العصرية بدون ما تفقد النكهة الأصلية.

بفضل السوشل ميديا و خبرة السوريين و اجتهادهم ، صار المطبخ السوري أكتر انتشارًا، ووصفاته صارت متاحة لكل حدا بيحب يجربها بكل انحاء العالم . جرب و اكتشف سر الطعمة يلي خلت الأكل السوري محبوب بكل مكان! و خبرنا من الشيف المفضل عندك؟

إذا عجبك هذا المقال عن شيف سوريين تميزوا على السوشل ميديا شوف كمان قسم فخر الشام !