5 من أطيب محلات الكروسان بالشام

ما في أحلى من ريحة الكروسان الطالع من الفرن الصبح، العجينة الهشة يلي بتقرمش من برّا وبتدوب من جوّا، والحشوات الغنية يلي بتكمل الطعمة بكل لقمة! لهيك إذا ع بالك الكروسان فأنت قدام قائمة من الأماكن يلي بتقدم أشهى وأطيب كروسان بالشام، بكل النكهات يلي بتحبها، من الحلو للمالح، ومن التقليدي للجديد!

جمعنالكم أفضل 5 أماكن بتقدملكم كروسان ولا أطيب!

1. كروسان القيمرية – الطعم يلي صار جزء من ذكريات الشام

واحد من أقدم وأشهر محلات الكروسان بالشام والو مكانة خاصة بذكريات كل شخص زار دمشق. هالمحل بيتميز بالعجينة الهشة والطبقات المتماسكة يلي بتكمل مع الحشوات الطيبة، ريحة بتعبّي السوق، وحشوات تقليدية مثل الجبنة والشوكولا والزعتر. بس تمشي بالحارات القديمة وكروسانتك بإيدك، بتعرف ليش هالمكان جزء من روح الشام القديمة!

العنوان : دمشق – القيمرية

2. غولدن بيكري – الكروسان الفاخر بنكهات غنية

عند غولدن بيكري كل تفصيلة محسوبة، من العجينة الطرية المليانة زبدة للطبقات المتماسكة يلي بتتكامل مع الحشوات الفاخرة. جربوا كروسان دبي بالبيستاشيو أو النوتيلا وفي باللوتس او اللوز، أو اختاروا من تشكيلات الجبنة والزعتر لمحبي الطعم الكلاسيكي. المكان المثالي لكل يلي بدوروا على تجربة جديدة وفخمة بنفس الوقت.
العنوان: المزة – جانب البنك الإسلامي

3. حلويات الرئيس – كروسان مميز بجودة عالية

اللي بيميز الكروسان عند حلويات الرئيس إنو معمول بإتقان العجينة مدروسة، الحشوات متوازنة، والطعم مثالي مع قهوة الصبح ،سواء كنت من محبي الشوكولا، الجبنة، أو الزعتر، هون رح تلاقي الطعمة يلي بتفتح النفس.
العنوان: دمشق – الطلياني
3335777 – 3333307 – 3334157

4. مخبز الشهبندر – كروسان يومي بخيارات متنوعة

من الفرن لعندك مباشرة! الكروسان هون بيتميز بعجينة مورّقة وخفيفة وحشوات غنية ولا اطيب يلي بتناسب كل الأذواق. ريحة العجين الفريش لحالها كفيلة تخليك توقف عندن وتطلب أكتر من نوع!
العنوان: ساحة الشهبندر، دمشق
+963 11 444 1033

5. ومبي – سناك سريع، طعم لذيذ

إذا كنت بدّك كروسان خفيف تاخدو عالماشي، ومبي عندو خيارات كلاسيكية بتناسب كل الأذواق. جبنة، زيتون، زعتر، وشوكولا، طعمة بسيطة وممتعة لأي وقت من اليوم.
العنوان: الشعلان – شارع حافظ إبراهيم
+963 11 333 2003

كل مكان من هالأماكن عندو لمسته السحرية بالكروسان، وكل واحد بيقدم نكهة مميزة بتناسب كل الأذواق. إذا كنت من عشاق الكروسان، جرب و خبرنا وين حبيت الكروسان اكتر شي؟!

إذا عجبك هالمقال عن محلات الكروسان بالشام، شوف أفضل محلات الكنافة بدمشق.