5 صناع محتوى مشهورين زاروا سوريا لأول مرة، شو شافوا؟ 

سوريا بلد مليان تاريخ وثقافة وأماكن رائعة، ومع افتتاح السفر إليها من جديد، كتير من صناع المحتوى العالميين قرروا يخوضوا تجربة زيارة سوريا لأول مرة. بهالمقالة، رح نحكي عن 5 يوتيوبرز ومؤثرين , و صناع محتوى زاروا سوريا، شو شافوا، وشو كانت انطباعاتهم!

1- ابن حتوتة – رحلة عبر المدن والأسواق

الرحالة الشهير ابن حتوتة، المعروف بجولاته حول العالم، قرر يزور سوريا ويستكشفها و بدأ رحلته من دمشق القديمة و انتهت بمغارة موسى و منتجع جدودنا في بلوان.

2- شريف نبيل – تجربة أكل شامي وسحر دمشق

اليوتيوبر المصري شريف نبيل، المعروف بمحتواه العفوي والتجارب الجديدة، قرر يخوض مغامرة في سوريا ويكتشف شوارعها وأكلاتها. أول شيء جربه كان الشاورما السورية، وقال عنها: “دي مش شاورما، ده إبداع!” بعدها، دخل سوق البزورية، وانبهر بروائح التوابل والمكسرات، وجرب بوظة بكداش لأول مرة بحياته!

3- جو حطاب – التاريخ والجمال الطبيعي

الرحالة الأردني جو حطاب قرر يخوض تجربة السفر لسوريا بهدف استكشاف التاريخ والطبيعة. زار خلال رحلته دمشق و محافظات أخرى و أبهرته الشواطئ الفيروزية بعروس الساحل مدينة اللاذقية

4- مارك وينز – رحلة في عالم الطعام السوري 

الأمريكي الشهير مارك وينز، المعروف بشغفه بالأكل حول العالم، قرر يجرب الطعام السوري الأصلي. زار دمشق وجرب الحلويات و الأطباق التقليدية الشامية مثل الكباب و الشاورما عند مطعم البرج و الفلافل و السجق، وما نسي يشارك ردة فعله الشهيرة لما ياكل أكلة طيبة!

5- Carrie Patsalis – اكتشاف الثقافة السورية 

المؤثرة البريطانية كاري باتساليس دخلت عالم سوريا بعيون مليانة انبهار، وكانت رحلتها مليانة لحظات فريدة. قضت وقتها تتعرف على الناس و الأسواق الشعبية، وانبهرت بجمال خان أسعد باشا وبيت السباعي و الحرف اليدوية السورية ! أكتر شي لفت نظرها لطافة الشعب السوري و كرمه.

وختامًا، شو رأيكم؟

صناع المحتوى اللي زاروا سوريا شكلوا فرصة للعالم يشوف وجه مختلف عن الأخبار، وجه مليان ثقافة، تراث، وأجواء استثنائية! شو رأيكم بتجاربهم؟

انبسطت بهالمقال عن صناع محتوى زاروا سوريا؟ تأكد تزور قسم #مدونة على موقعنا لتشوف المزيد!