15 حرفة يدوية دمشقية عمرها مئات السنين

دمشق، مدينة بتجمع بين عبق الماضي وروح الحاضر، كانت ولا تزال مركز للإبداع والفن على مر العصور. الحرف اليدوية الدمشقية مو مجرد صناعات تقليدية، بل هي تراث عريق بينتقل من جيل لجيل، وشاهد على تاريخ المدينة اللي عمره آلاف السنين. من السيف الدمشقي الأسطوري للبروكار الفاخر، كل قطعة من هالحرف بتحكي قصة عن مهارة الدمشقيين وإبداعهم اللي ما بيتوقف. تعرف على 15 حرفة يدوية دمشقية!

1. البروكار الدمشقي: نسيج الفخامة من أقدم العصور

البروكار الدمشقي هو نسيج من الحرير الطبيعي الممزوج بخيوط الذهب والفضة. تاريخ هالقماش بيرجع للعصر البيزنطي، لكنه ازدهر بالشام خاصة بفترة الحكم الأموي (القرن السابع الميلادي). البروكار كان الخيار المفضل لملوك وأمراء العالم، حتى إن الملكة إليزابيث الثانية اختارت فستان زفافها من قماش البروكار الدمشقي عام 1947.

2. الأغباني الدمشقي: مطرزات شرقية عمرها 500 سنة

الأغباني بلش بفترة العصور الوسطى، وكان الدمشقيين يزينوا القماش بزخارف شرقية متقنة. كانوا يستخدموا هالتطريز بعباءات الملوك وستائر البيوت وكغطاء تقليدي للطاولات. رغم قلة الحرفيين اللي بيشتغلوا بهالحرفة اليوم، إلا إنها ما زالت رمز للأصالة والجمال الشرقي.

3. صناعة الذهب في دمشق: من الألف الثاني قبل الميلاد

بلشت صناعة الذهب بسوريا من أكتر من 4000 سنة، وظهرت آثار هالصناعة بمواقع متل أوغاريت وإبلا وتدمر. دمشق كانت وما زالت مركز رئيسي للصياغة، خاصة بسوق الصاغة التاريخي. هالسوق اللي كان يُعرف باسم “سوق القوافين”، صار اليوم المكان الأول لصياغة وبيع الذهب.السوق بينقسم لقسمين:الصاغة الجوانية: بيع اللؤلؤ والجواهر,الصاغة البرانية: بيع الأساور والخواتم.

4. السيف الدمشقي: قوة وإبداع منذ 1500 سنة

السيوف الدمشقية صُنعت لأول مرة بالعصر الإسلامي المبكر باستخدام الفولاذ الدمشقي المعروف بقوته وصلابته. هالسيوف كانت رمز للشجاعة والبراعة بالحرب، واشتهرت بقدرتها على قطع شعرة سقطت على نصله وقادر على قطع الحجر بسبب اتقان الصنع. قصصه التاريخية انتشرت بالعالم وخلدت اسم دمشق.

5. القيشاني: زخارف خزفية من العصر الأموي

فن القيشاني، اللي بيعتمد على الخزف المزخرف، بلش بفترة الأمويين (القرن السابع الميلادي) وانتشر بعدين لكل أنحاء العالم الإسلامي. الدمشقيين كانوا أسياد هالحرفة، وصنعوا منها لوحات، براويز، ومزهريات والقنديل الأموي لتزيين المساجد والبيوت.

6. الموزاييك الدمشقي: إبداع من القرن الـ18

حرفة الموزاييك ظهرت بدمشق بالقرن الـ18. كانوا الحرفيين يطعموا الخشب بقطع صغيرة من الصدف أو الخشب الملون، ليشكلوا لوحات فنية معقدة. فن الموزاييك ما زال موجود بزخارف البيوت والقصور الدمشقية.

7. الرسم العجمي: زخارف بارزة من العصور الوسطى

الرسم العجمي ظهر بدمشق بفترة العصور الوسطى. بيعتمد على النقوش والزخارف البارزة باستخدام مواد طبيعية. هالحرفة كانت تستخدم بزخرفة أسقف وحيطان القصور لتعطيها طابع شرقي فخم.

8. النقش على النحاس: تحف فنية من 400 سنة

النقش على النحاس بدأ بفترة العهد العثماني. الحرفيين كانوا يحولوا النحاس لقطع فنية بحفر دقيق ورسومات متقنة. هالقطع لسه موجودة بأسواق دمشق ومطلوبة عالمياً.

9. الطربوش الدمشقي: رمز أناقة العثمانيين

الطربوش دخل دمشق بفترة الحكم العثماني بالقرن الـ16. صار جزء من هوية الأعيان والباشاوات بدمشق. رغم إنه اليوم قليل الوجود، إلا إنه بيبقى جزء من تراث الشام.

10. القبقاب الدمشقي: الحذاء التقليدي

القبقاب كان يُستخدم بالحمامات والمساجد بدمشق من أكتر من 1000 سنة. كان مصنوع من الخشب بمهارة عالية. اليوم القبقاب صار قطعة تراثية بتذكّرنا بزمن البساطة.

11. صناعة الفخار والخزف: من 6500 قبل الميلاد

صناعة الفخار هي حرفة دمشقية من أقدم الحرف بالعالم. بلشت حوالي 6500 قبل الميلاد، وكانت تُستخدم لتخزين الأكل والسوائل. هالحرفة استمرت لليوم، وبتعكس مهارة الدمشقيين الفريدة.

12. العود الدمشقي: موسيقى الأصالة

العود الدمشقي واحد من أجود الأعواد اللي بتنصنع بالشام. الحرفيين بدمشق أبدعوا بصناعته لدرجة إنه صار مفضل عند الموسيقيين العرب والعالميين وتعتبر مدينة دمشق مركزًا عالميًا لصناعة العود.

13. الزجاج المعشق الدمشقي

الزجاج المعشق بدمشق إلو تاريخ بيزيد عن 2000 سنة. بتجمع هيدي الحرفة الدمشقية بين الجص والزجاج وبيطلع أشكال ملونة بتحكي قصة الطبيعة والحياة. بينعمل للنوافذ، اللوحات الجدارية، والحواجز، وبيتميز بالقوة والجمال اللي بتحسسك بروح دمشق القديمة.

14. النفخ بالزجاج

حرفة النفخ بالزجاج بدمشق من اقدم واعرق الحرف، بيقوم الحرفي بنفخ الزجاج المنصهر وبيشكله بإيديه بمهارة عالية. كان الدمشقيين يستخدموه للحاجات اليومية، وهلا بتواجه هالمهنة خطر الاندثار بسبب قلة الاهتمام والتكاليف العالية، رغم إنها جزء من تراثنا.

15. كراسي القش

الكراسي القشية الدمشقية جزء من التراث السوري القديم، عمرها أكتر من 600 سنة وبتتميز بخفتها ومتانتها بدون مواد لاصقة. الحرفيين الدمشقيين بيستخدموا قش ضفاف الانهار بعد تنقيعه ولفّه بإتقان يدويا دون اي الة لتصميم كراسي بألوان وأشكال بتناسب كل الأذواق. هالحرفة بتعكس روح دمشق وإبداع صناعها.

ختاماً: حرف بتشهد على عظمة الشام

كل حرفة من هالحرف الـ دمشقية الـ يدوية الـ قديمة بتحكي عن روح المدينة وإبداع أهلها. دمشق مو بس مدينة، هي متحف مفتوح بعيشك الماضي والحاضر بنفس اللحظة. زيارة أسواق دمشق القديمة هي رحلة بين صفحات التاريخ، بتعرفنا على تراث حي ما بينطفي نوره.

ممكن يعجبكم كمان: ١٢ شغلة بتخلي الشام غير شكل.. ليش كل شي بالشام أحلى؟